Valideynlərin tez-tez verdiyi suallar

Uşaq yaşına uyğun inkişaf etmirsə (oturma, yerimə, danışıq), əvvəl bacardığını itirirsə, qıcolma və ya izaholunmaz «dalıb qalma» epizodları olubsa, baş ağrısı təkrarlanırsa, kəkələmə 12 aydan uzun davam edirsə, hərəkətliliyi və diqqətsizliyi öyrənməyə mane olursa. Yaş üzrə əlamətlər valideynlər üçün bələdçidə verilib.

Xeyr, birbaşa yazıla bilərsiniz. Pediatrın qeydi varsa, gətirin.

Bəli. Vaxtından əvvəl doğulmuş, az çəki ilə doğulmuş və reanimasiyada yatmış körpələr ilk aylarda nevroloq tərəfindən planlı izlənməlidir. Ətraflı

Söhbət (şikayət, hamiləlik və doğuş, inkişaf, ailə tarixçəsi) və uşağın yaşına uyğun nevroloji müayinə. Körpələrdə tonus, refleksler, baş çevrəsi, əmgək və spontan hərəkətlərə baxılır; böyük uşaqlarda koordinasiya, hərəkət, nitq, davranış. Adətən 30–40 dəqiqə.

Xeyr. Nevroloji müayinə baxış, toxunma və sadə tapşırıqlardan ibarətdir. Reflekslərin yoxlanması uşağı bəzən təəccübləndirir, amma ağrı vermir.

Əvvəlki nəticələr, EEQ/MRT, dərman siyahısı, doğuş çıxarışı və — ən vacibi — tutma və ya qəribə hərəkət epizodunun videosu.

EEQ beynin elektrik fəaliyyətini qeyd edir. İlk qızdırmasız qıcolmadan sonra, təkrarlanan «dalıb qalma» epizodlarında, epilepsiya diaqnozunun dəqiqləşdirilməsində və müalicəyə nəzarətdə göstərişdir. Baş ağrısı, inkişaf geriliyi və ya DEHB-də «hər ehtimala qarşı» EEQ adətən lazım deyil. EEQ müayinəsi

Həmişə yox. Sağlam uşaqlarda da EEQ-də kiçik dəyişikliklər olur. Diaqnoz EEQ ilə deyil, klinik mənzərə ilə qoyulur. Buna görə göndərişsiz EEQ çox vaxt lazımsız narahatlıq yaradır.

Müayinədə fokal (bir tərəfli) əlamətlər, səhər baş ağrısı və qusma, inkişafın geriləməsi, baş çevrəsinin qeyri-adi böyüməsi və ya fokal qıcolma olduqda. Sadə febril qıcolmada və tipik miqrendə rutin MRT göstəriş deyil.

Uşağı yan üstə uzandırın, ətrafdakı sərt əşyaları uzaqlaşdırın, başının altına yumşaq bir şey qoyun. Ağzına heç nə qoymayın, hərəkətlərini saxlamağa çalışmayın. Vaxtı qeyd edin və mümkünsə videoya çəkin. Qıcolma 5 dəqiqədən uzun çəkirsə, təkrarlanırsa və ya uşaq özünə gəlmirsə — 103.

Xeyr. Sadə febril qıcolma 6 ay – 5 yaş arasında qızdırma fonunda baş verir və əksər uşaqlarda epilepsiyaya çevrilmir. Ətraflı

Xeyr. Xoşxassəli yuxu mioklonusu, titrəmə tutmaları, sadə febril qıcolma, erkən kəkələmə, keçici tiklər adətən dərman tələb etmir. Dərman lazım olanda məqsəd, doza, müddət və nəzarət planı əvvəlcədən izah olunur.

Adətən qıcolmasız dövr 2 ildən sonra, EEQ və klinik vəziyyət nəzərə alınaraq dərmanın tədricən dayandırılması müzakirə olunur. Qərar həkimlə birlikdə verilir; dərmanı özbaşına kəsmək qıcolmanın qayıtmasına səbəb ola bilər.

Kəkələmə və nitq geriliyində loqoped, DEHB və autizm spektrində psixoloq və xüsusi pedaqoq, serebral iflic və motor gerilikdə fizioterapevt. Nevroloq diaqnozu qoyur, planı qurur və komandanı istiqamətləndirir.

Hər müayinədə inkişaf mərhələləri, baş çevrəsi və (varsa) tutmaların gündəliyi qeyd olunur. Növbəti müayinənin vaxtı vəziyyətə görə təyin edilir: körpələrdə adətən 1–3 ay, stabil epilepsiyada 3–6 ay.